‘डॉ. वळसंगकर किरकोळ कारणावरुन आत्महत्या करुच शकत नाही’; आरोपीच्या वकीलांना वेगळीच शंका…

Dr. Shirish Walsangkar : सोलापुरातील प्रसिद्ध न्युरोफिजिशियन डॉ. शिरीष वळसंगकर आत्महत्या (Dr. Shirish Walsangkar) प्रकरणी आरोपी महिलेला तीन दिवसांची पोलिस कोठडी सुनावण्यात आलीयं. डॉ. वळसंगकर यांना आत्महत्येला प्रवृत्त केल्याप्रकरणी आरोपी मनिषा मानेवर गुन्हा दाखल करण्यात आलायं. सोलापूर जिल्हा सत्र न्यायालयात आज आरोपी महिलेला हजर करण्यात आले. यावेळी आरोपीला तीन दिवसांची पोलिस कोठडी सुनावण्यात आलीयं.

सातासमुद्रापार मराठीचा डंका! ‘या’ चार मराठी चित्रपटांची कान्स महोत्सवाच्या चित्रपट बाजारासाठी निवड

आरोपी मनिषा माने डॉ. वळसंगकर यांच्या हॉस्पिटलमध्ये प्रशासकीय अधिकारी म्हणून कार्यरत होती. कामावरुन काढल्याने आरोपी मनिषा माने हिने डॉ. वळसंगकर यांना स्वतः आत्महत्या करण्याची धमकी दिल्याची माहिती समोर आली. या प्रकरणी आरोपी महिलेची पोलिसांनी तीन दिवसांची पोलिस कोठडी मागितली. दोन्ही बाजूचा युक्तिवाद लक्षात घेत न्यायाधीशांनी पोलिस कोठडी सुनावलीयं. दरम्यान, या प्रकरणी आरोपी मनीषा माने हिच्यासोबत कोणाचा सहभाग आहे का? याचा तपास पोलीस करणार आहे.

बँकेच्या नॉमिनी नियमांमध्ये झाले मोठे बदल; पैशाच्या वारशाशी संबंधित वाद कमी होण्यास मदत होणार?

या प्रकरणी आरोपीच्या वकीलांनी सांगितलं की, डॉ. वळसंगकर हे प्रख्यात डॉक्टर होते. एखादा कर्मचारी येतो अन् म्हणतो माझा पगार कपात करु नका, अशा किरकोळ कारणावरुन ते आत्महत्या करु शकत नाही. या प्रकरणातील वस्तूस्थिती वेगळी आहे वस्तूस्थिती बाहेर येऊ नये, ती लपवण्यासाठी खोटी आरोपीवर केली असल्याचा युक्तिवाद आरोपीच्या वकीलांनी न्यायालयात केलायं.

शिरीष वळसंगकर यांनी आत्महत्येपूर्वी लिहून ठेवलेल्या सुसाईड नोटमध्ये एक धक्कादायक माहिती समोर आली आहे. यामध्ये एका महिलेचं नाव समोर आलं आहे. या महिलेची ओळख देखील पटली असून वळसंगकर यांनी या महिलेमुळेच आत्महत्या केल्याचं लिहिलेलं आहे. त्यामुळे आता या महिले विरोधात पोलिसांत गुन्हा दाखल करण्यात आला आहे.

मनीषा मुसळे-माने असं या महिलेचं नाव आहे. ही महिला शिरीष वळसंगकर यांच्या हॉस्पिटलमध्ये प्रशासकीय अधिकारी म्हणून काम करत होत्या. त्यांच्याकडून रूग्णांकडून येणारे बिल ही कोणतीही नोंद न करता स्विकारली जात होती. ही गोष्ट वळसंगकरांना खटकल्याने त्यांनी ही रक्कम स्विकारणाऱ्या महिलेला कामावरून काढून टाकले होते. मात्र तिने वळसंगकरांना आत्महत्येची धमकी दिली होती. मात्र वळसंगकरांना रूग्णालयाचे सर्व व्यवहार कागदोपत्री हवे होते. प्रशासनाकडून हे केले जात नसल्याने वळसंगकर तणावाखाली होते. त्यातूनच त्यांनी हे टोकाचं पाऊल उचलल्याचं समोर आलंय.

संबंधित बातम्या